ബസിലെ തർക്കത്തിൽ കണ്ടക്ടർ വിദ്യാർഥിയെ കടിച്ചതായി പരാതി

കാക്കനാട്: തർക്കത്തെ തുടർന്ന് സ്വകാര്യ ബസിലെ കണ്ടക്ടർ വിദ്യാർഥിയെ കടിച്ചതായി പരാതി. കങ്ങരപ്പടിയിലെ വി ജെ കൃഷ്ണജിത്ത് ഇടപ്പള്ളി സെൻ്റ് ജോർജ് സ്‌കൂളിലെ പത്താം ക്ലാസ് വിദ്യാർത്ഥിയാണ്. കണ്ടക്ടർ നെഞ്ചിൽ കടിച്ചതിനെ തുടർന്ന് തൃക്കാക്കര സഹകരണ ആശുപത്രിയിൽ ചികിത്സ തേടി. അവൻ്റെ നെഞ്ചിൽ രണ്ട് കടിയേറ്റ പാടുകൾ ഉണ്ട്. പോലീസ് ബാലാവകാശ കമ്മീഷനും മോട്ടോർ വാഹന വകുപ്പിനും പരാതി നൽകിയിട്ടുണ്ട്.

കങ്ങരപ്പടി റൂട്ടിൽ സർവീസ് നടത്തുന്ന മദീന ബസിലെ കണ്ടക്ടർ തന്നെ കടിച്ചതായി വിദ്യാർഥി പറഞ്ഞു. ഇടപ്പള്ളിയിൽ നിന്ന് ബസിൽ കയറുമ്പോൾ കണ്ടക്ടർ മോശമായി പെരുമാറിയെന്നും തല്ലിയെന്നും പരാതിയിൽ പറയുന്നു. ബസിൽ പലതവണ ഒരിടത്ത് നിന്ന് മറ്റൊരിടത്തേക്ക് മാറാൻ ആവശ്യപ്പെട്ടു.

അവിടെ നിന്നാൽ പോരേ എന്ന് കുട്ടി ചോദിച്ചതാണ് കണ്ടക്ടർ പ്രകോപിതനായത്. തുടർന്ന് കണ്ടക്ടർ തർക്കിക്കുകയും ആക്രമിക്കുകയുമായിരുന്നു. ബസ് ജഡ്ജിമുക്ക് ബസ് സ്റ്റോപ്പിലെത്തിയപ്പോഴായിരുന്നു സംഭവം.