ആൻറിബയോട്ടിക് മരുന്നുകളുടെ ദുരുപയോഗം തടയാൻ സർക്കാർ ഓപ്പറേഷൻ അമൃത് ആരംഭിച്ചു

തിരുവനന്തപുരം: ആന്റിബയോട്ടിക് മരുന്നുകളുടെ ദുരുപയോഗം തടയാൻ ഓപ്പറേഷൻ അമൃത് എന്ന പേരിൽ ഡ്രഗ്സ് കൺട്രോൾ വകുപ്പ് അന്വേഷണം ആരംഭിക്കുന്നു. ഡ്രഗ്സ് കൺട്രോളർ നിയോഗിച്ച പ്രത്യേക സ്ക്വാഡും പങ്കെടുക്കും.

'ഡോക്ടറുടെ കുറിപ്പടി ഇല്ലാതെ ആന്റിബയോട്ടിക്കുകൾ വിൽക്കില്ല' എന്ന പോസ്റ്റർ മെഡിക്കൽ സ്റ്റോറുകളിൽ പ്രദർശിപ്പിക്കണം. ആൻറിബയോട്ടിക്കുകൾ കുറിപ്പടി ഇല്ലാതെ വിൽക്കുന്നത് ശ്രദ്ധയിൽപ്പെട്ടാൽ പൊതുജനങ്ങൾക്കും അധികൃതരെ അറിയിക്കാം.

പ്രതിവർഷം 56 കോടി രൂപയുടെ ആന്റിബയോട്ടിക്കുകൾ വിൽക്കുന്ന കേരളത്തിൽ അവയുടെ ദുരുപയോഗം തടയാനുള്ള നടപടികൾ കടലാസിൽ ഒതുങ്ങി. മയക്കുമരുന്ന് ലോബിക്ക് സർക്കാർ ഒത്താശ ചെയ്യുന്നതായി ആരോപണമുയർന്നിരുന്നു.

മെഡിക്കൽ സ്റ്റോറുകൾ അവയുടെ വിൽപ്പനയുടെ കൃത്യമായ രേഖകൾ സൂക്ഷിക്കണം. ആൻറിബയോട്ടിക്കുകളുടെ സ്ഥിരമായ ഉപയോഗം രോഗപ്രതിരോധ ശേഷിയെ ദുർബലപ്പെടുത്തും. ലോകാരോഗ്യ സംഘടനയുടെ കണക്ക് പ്രകാരം 2050 ആകുമ്പോഴേക്കും ഒരു കോടി ആളുകൾ ആന്റിമൈക്രോബയൽ പ്രതിരോധം മൂലം മരിക്കും.