രണ്ട് മണിക്കൂർ വൈകിയെത്തിയ മന്ത്രി; അതൃപ്തി പ്രകടിപ്പിച്ച് അടൂർ ഗോപാലകൃഷ്ണൻ

തിരുവനന്തപുരം: സംവിധായകൻ അടൂർ ഗോപാലകൃഷ്ണനുമായി കൂടിക്കാഴ്ചയ്ക്കായി എത്തിയ സാംസ്കാരിക മന്ത്രി പി.സി. വിഷ്ണുനാഥ് രണ്ട് മണിക്കൂർ വൈകിയെത്തിയതിൽ അടൂർ ഗോപാലകൃഷ്ണൻ അതൃപ്തി പ്രകടിപ്പിച്ചു.

“ഞങ്ങൾക്കും മറ്റ് പ്രതിബദ്ധതകളുണ്ട്” എന്നായിരുന്നു മന്ത്രിയുടെ വൈകിയെത്തലിനെക്കുറിച്ചുള്ള അടൂരിന്റെ പ്രതികരണം. കൂടിക്കാഴ്ചയ്ക്കായി നേരത്തെ സമയം നിശ്ചയിച്ചിരുന്നെങ്കിലും മന്ത്രി വൈകിയെത്തുകയായിരുന്നു.

കേരളത്തിലെ സിനിമാ മേഖലയുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്യുന്നതിനായാണ് മന്ത്രിയും അടൂർ ഗോപാലകൃഷ്ണനും കൂടിക്കാഴ്ച നടത്തിയത്.

സംസ്ഥാനത്ത് സ്കൂളുകളിൽ സിനിമാ സാക്ഷരതാ പദ്ധതി ഉൾപ്പെടെയുള്ള സിനിമാ മേഖലയിലെ പുതിയ പദ്ധതികളുമായി സർക്കാർ മുന്നോട്ടുപോകുന്നതിനിടെയാണ് മന്ത്രിയുടെ കൂടിക്കാഴ്ച.