പാലക്കാട് നിന്ന് കാണാതായ പെൺകുട്ടികൾക്കായി തിരച്ചിൽ ഊർജിതമാക്കി

പാലക്കാട്: പാലക്കാട് കോങ്ങാട് നിന്ന് രണ്ട് സ്കൂൾ വിദ്യാർത്ഥിനികളെ കാണാതായി. കാണാതായ പെൺകുട്ടികൾ കോങ്ങാട് കെപിആർപി സ്കൂളിലെ വിദ്യാർത്ഥിനികളാണ്. രണ്ട് പെൺകുട്ടികളും രാവിലെ 7 മണിക്ക് ട്യൂഷനായി വീട്ടിൽ നിന്ന് ഇറങ്ങിയതായും അവിടെ നിന്ന് സ്കൂളിൽ എത്തേണ്ടതായിരുന്നുവെന്നും പോലീസ് പറഞ്ഞു.

പരീക്ഷയിൽ കുറഞ്ഞ മാർക്ക് വാങ്ങിയതിന് വീട്ടുകാർ അവരെ ശകാരിച്ചിരുന്നു. പെൺകുട്ടികളെ കാണാതായതിനെ തുടർന്ന് സ്കൂൾ അവരുടെ കുടുംബങ്ങളെയും പോലീസിനെയും അറിയിച്ചു. ഇരു കുടുംബങ്ങളുടെയും പരാതിയിൽ പോലീസ് അന്വേഷണം ആരംഭിച്ചു. എന്തെങ്കിലും വിവരം ലഭിച്ചാൽ 9497947216 എന്ന നമ്പറിൽ ബന്ധപ്പെടാൻ പോലീസ് അറിയിച്ചു.