തിരുവോണം ബമ്പർ വിൽപ്പന കുതിക്കുന്നു; 59 ലക്ഷം ടിക്കറ്റുകൾ വിറ്റു

തിരുവനന്തപുരം: സംസ്ഥാന സർക്കാരിന്റെ തിരുവോണം ബമ്പർ ലോട്ടറി ടിക്കറ്റ് വിൽപ്പനയിൽ വൻ വർധന. ഇതുവരെ 59 ലക്ഷം ടിക്കറ്റുകൾ വിറ്റതായി റിപ്പോർട്ട്. സെപ്റ്റംബർ 26നാണ് നറുക്കെടുപ്പ് നടക്കുക. 

ഈ വർഷത്തെ തിരുവോണം ബമ്പറിന്റെ ഒന്നാം സമ്മാനം 30 കോടി രൂപയാണ്. രണ്ടാം സമ്മാനമായി ഒരു കോടി രൂപ വീതം 20 പേർക്ക് ലഭിക്കും. മൂന്നാം സമ്മാനം 25 ലക്ഷം രൂപ വീതം 20 പേർക്കാണ്. 

സെപ്റ്റംബർ 26ന് ഉച്ചയ്ക്ക് രണ്ടിന് തിരുവനന്തപുരത്തെ ഗോർഖി ഭവനിലാണ് നറുക്കെടുപ്പ് നടത്തുന്നത്. 

ഇത്തവണ 90 ലക്ഷം ടിക്കറ്റുകളാണ് ആകെ അച്ചടിച്ചിരിക്കുന്നത്. ടിക്കറ്റ് വിൽപ്പന ഇനിയും തുടരുമെന്നതിനാൽ വിൽപ്പന 90 ലക്ഷം എന്ന പരമാവധി എണ്ണത്തിലേക്ക് അടുക്കുമെന്നാണ് പ്രതീക്ഷ.