പാലക്കാട് പൊളിക്കുന്നതിനിടെ വെള്ളടാങ്ക് തെറ്റായ ദിശയിൽ വീണു; വൻ അപകടം ഒഴിവായി

പാലക്കാട് കൊല്ലങ്കോട് വെള്ളടാങ്ക് പൊളിക്കുന്നതിനിടെ ടാങ്ക് പ്രതീക്ഷിച്ച ദിശയിൽ നിന്ന് മാറി മറിഞ്ഞു. സംഭവത്തിൽ ആളപായമില്ല.

പൊളിക്കൽ നടപടികൾക്കിടെ ടാങ്ക് അപ്രതീക്ഷിതമായി മറ്റൊരു ഭാഗത്തേക്ക് വീഴുകയായിരുന്നു. സമീപത്ത് ആളുകളുണ്ടായിരുന്നെങ്കിലും അപകടത്തിൽ ആർക്കും പരിക്കേറ്റിട്ടില്ല.

പാലക്കാട് ജില്ലയിൽ അപകടാവസ്ഥയിലുള്ള പഴയതും ഉപയോഗശൂന്യവുമായ ജലസംഭരണികൾ പൊളിച്ചുനീക്കുന്നതിനുള്ള നടപടികൾ കേരള വാട്ടർ അതോറിറ്റി ആരംഭിച്ചിട്ടുണ്ട്. ജില്ലയിൽ അപകടസാധ്യതയുള്ള നിരവധി പഴയ ടാങ്കുകൾ കണ്ടെത്തിയതിനെ തുടർന്നാണ് നടപടി.