രഞ്ജിത്തിനെതിരായ ആരോപണങ്ങളിൽ ഉറച്ച് കേരളം സഹായിച്ചാൽ നിയമപരമായി മുന്നോട്ട് പോകും

തിരുവനന്തപുരം: ചലച്ചിത്ര അക്കാദമി ചെയർമാനും സംവിധായകനുമായ രഞ്ജിത്തിനെതിരായ ആരോപണങ്ങളിൽ ഉറച്ചുനിൽക്കുന്നതായി ബംഗാളി നടി ശ്രീലേഖ മിത്ര. ബംഗാളിൽ നിന്ന് കേസുമായി മുന്നോട്ട് പോകുന്നത് ബുദ്ധിമുട്ടാണെന്നും കേരളത്തിൽ ആരെങ്കിലും സഹായിച്ചാൽ നിയമനടപടികളുമായി മുന്നോട്ട് പോകുമെന്നും അവർ പറഞ്ഞു.

താൻ ചെയ്ത തെറ്റ് സംവിധായകൻ രഞ്ജിത്ത് സമ്മതിക്കണമെന്നും നടി ആവശ്യപ്പെട്ടു. 'പാലേരി മാണിക്യം' എന്ന സിനിമയിൽ അഭിനയിക്കാൻ ബംഗാളിൽ നിന്ന് വിളിച്ചപ്പോൾ രഞ്ജിത്ത് വളകൾ വെച്ച് കളിക്കാൻ തുടങ്ങിയെന്നും തൻ്റെ തലമുടിയിൽ തഴുകി തഴുകി കഴുത്തിൽ തൊടാൻ ശ്രമിച്ചപ്പോൾ താൻ മുറിയിൽ നിന്ന് ഇറങ്ങിപ്പോയെന്നും ശ്രീലേഖ മിത്ര പറഞ്ഞിരുന്നു. അടുത്ത ദിവസം സിനിമയിൽ അഭിനയിക്കാതെ മടങ്ങിയെന്നും നടി പറഞ്ഞു.

കഴിഞ്ഞ ദിവസമാണ് രഞ്ജിത്തിനെതിരെ നടി ആരോപണം ഉന്നയിച്ചത്. തന്നെ ലൈംഗികമായി ഉപയോഗിച്ചിട്ടില്ലെങ്കിലും അയാളുടെ പെരുമാറ്റം അതിനുള്ള സൂചനകൾ നൽകുന്നുണ്ടെന്ന് നടി പറഞ്ഞു. അതേസമയം വ്യക്തിയുടെ പേര് പറഞ്ഞാൽ മാത്രമേ നടപടിയുണ്ടാകൂ എന്ന് സർക്കാർ ആദ്യം വ്യക്തമാക്കിയിരുന്നു. രഞ്ജിത്തിനെതിരെ അന്വേഷണം ആവശ്യപ്പെട്ട് യൂത്ത് കോൺഗ്രസ് ഡിജിപിക്ക് പരാതി നൽകിയിരുന്നു.

രഞ്ജിത്തും സജി ചെറിയാനും സ്ഥാനമൊഴിയണമെന്ന് പ്രതിപക്ഷ നേതാവ് വി ഡി സതീശൻ ആവശ്യപ്പെട്ടു. ഹേമ കമ്മിറ്റി റിപ്പോർട്ട് വർഷങ്ങളോളം പൂഴ്ത്തിവച്ചിരിക്കുകയാണ് സർക്കാരും മന്ത്രി സജി ചെറിയാനും എന്നും അദ്ദേഹം കുറ്റപ്പെടുത്തി. സർക്കാർ തട്ടിപ്പുകാർക്കൊപ്പമാണെന്നും അദ്ദേഹം പറഞ്ഞു.

അതേസമയം, തെറ്റ് ചെയ്ത ആരെയും പിന്തുണയ്ക്കില്ലെന്നും നടിക്ക് പൂർണ പിന്തുണയുണ്ടെന്നും മന്ത്രി വീണാ ജോർജ് വ്യക്തമാക്കി. ആവശ്യമെങ്കിൽ റിപ്പോർട്ടിന്മേൽ തുടർനടപടി സ്വീകരിക്കുമെന്ന് മന്ത്രി അറിയിച്ചു.

അതേസമയം, തെറ്റ് ചെയ്ത ആരെയും സർക്കാർ സംരക്ഷിക്കില്ലെന്നും രഞ്ജിത്തിനെതിരായ ആരോപണം തെളിഞ്ഞാൽ നടപടിയെടുക്കുമെന്നും മന്ത്രി സജി ചെറിയാൻ ഫേസ്ബുക്കിലൂടെ വ്യക്തമാക്കി.