സ്കൂളിൽ വെച്ച് 13 വയസ്സുള്ള വിദ്യാർത്ഥിനിയെ അധ്യാപകർ കൂട്ടബലാത്സംഗത്തിന് ഇരയാക്കി; മൂന്ന് പേർ അറസ്റ്റിൽ

കൃഷ്ണഗിരി: 13 വയസ്സുള്ള ഒരു വിദ്യാർത്ഥിനിയെ അധ്യാപകർ കൂട്ടബലാത്സംഗത്തിന് ഇരയാക്കി. തമിഴ്നാട്ടിലെ കൃഷ്ണഗിരിയിലെ ഒരു സർക്കാർ സ്കൂളിലാണ് സംഭവം നടന്നത്. സംഭവവുമായി ബന്ധപ്പെട്ട് പോലീസ് 3 അധ്യാപകരെ അറസ്റ്റ് ചെയ്തു. കഴിഞ്ഞ കുറച്ച് ദിവസങ്ങളായി കുട്ടി സ്കൂളിൽ പോകാത്തതിന്റെ കാരണം അന്വേഷിക്കാൻ പ്രധാനാധ്യാപിക കുട്ടിയുടെ വീട്ടിലെത്തിയപ്പോഴാണ് സംഭവം പുറത്തുവന്നത്. വിദ്യാർത്ഥിയുടെ മാതാപിതാക്കൾ സംഭവം പ്രിൻസിപ്പലിനോട് വെളിപ്പെടുത്തി, തുടർന്ന് അവർ ഉടൻ തന്നെ ചൈൽഡ് ലൈനിലും പോലീസിലും റിപ്പോർട്ട് ചെയ്തു.

പോലീസ് പറയുന്നതനുസരിച്ച്, അധ്യാപകരിൽ ഒരാൾ മുമ്പ് പെൺകുട്ടിയെ ബലാത്സംഗം ചെയ്തിരുന്നു. ഇതിനെക്കുറിച്ച് അറിഞ്ഞതോടെ മറ്റ് രണ്ട് അധ്യാപകരും അവളെ ആക്രമിച്ചു. മൂന്ന് അധ്യാപകർക്കെതിരെ പോക്സോ നിയമപ്രകാരം കേസ് രജിസ്റ്റർ ചെയ്തിട്ടുണ്ട്.

ഇവരെ സ്കൂളിൽ നിന്ന് സസ്പെൻഡ് ചെയ്തു. പ്രതികൾക്ക് കടുത്ത ശിക്ഷ നൽകണമെന്ന് ആവശ്യപ്പെട്ട് പൊതുജന രോഷം വർദ്ധിച്ചുവരികയാണ്. പെൺകുട്ടിയെ വൈദ്യപരിശോധനയ്ക്കായി കൃഷ്ണഗിരി സർക്കാർ മെഡിക്കൽ കോളേജ് ആശുപത്രിയിലേക്ക് കൊണ്ടുപോയി. പെൺകുട്ടി ഗർഭിണിയല്ലെന്നും ഗർഭഛിദ്രം നടത്തിയിട്ടില്ലെന്നും ജില്ലാ കളക്ടർ എസ് ദിനേശ് സ്ഥിരീകരിച്ചു.