ജെ.പി. നദ്ദയുമായുള്ള കൂടിക്കാഴ്ചയ്ക്ക് ശേഷം ഉയരുന്ന ചോദ്യം: ധർമേന്ദ്ര പ്രധാൻ രാജിവെക്കുമോ?

ന്യൂഡൽഹി: കേന്ദ്രമന്ത്രി ജെ.പി. നദ്ദയുമായി സി.ജെ.പി (CJP) നേതാക്കൾ നടത്തിയ നിർണായക ചർച്ചയ്ക്ക് ശേഷവും കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെക്കുമോ എന്ന ചോദ്യമാണ് രാഷ്ട്രീയ വൃത്തങ്ങളിൽ പ്രധാന ചർച്ചാവിഷയമായിരിക്കുന്നത്. 

ചർച്ചയിൽ സി.ജെ.പി വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെക്കണമെന്ന ആവശ്യം വീണ്ടും ശക്തമായി ഉന്നയിച്ചു. എന്നാൽ ഈ ആവശ്യത്തിൽ ഉടൻ തീരുമാനമെടുക്കാൻ കഴിയില്ലെന്നും വിഷയത്തിൽ ആലോചിക്കാൻ ശനിയാഴ്ച വരെ സമയം അനുവദിക്കണമെന്ന് കേന്ദ്രസർക്കാർ ആവശ്യപ്പെട്ടതായി സി.ജെ.പി നേതാക്കൾ അറിയിച്ചു. 

അതേസമയം, രാജി ആവശ്യത്തിൽ നിന്ന് പിന്നോട്ടില്ലെന്ന നിലപാടാണ് സി.ജെ.പി സ്വീകരിച്ചിരിക്കുന്നത്. ആവശ്യങ്ങൾ അംഗീകരിക്കുന്നതുവരെ പ്രതിഷേധം തുടരുമെന്നും സംഘടന വ്യക്തമാക്കിയിട്ടുണ്ട്. 

ധർമേന്ദ്ര പ്രധാൻ രാജിവെക്കുമോ, അല്ലെങ്കിൽ കേന്ദ്രസർക്കാർ മറ്റൊരു ഒത്തുതീർപ്പ് നിർദേശിക്കുമോ എന്നതാണ് ഇനി ശ്രദ്ധേയമായ കാര്യം. നിലവിൽ രാജിയെക്കുറിച്ച് കേന്ദ്രസർക്കാർ ഔദ്യോഗിക പ്രഖ്യാപനം നടത്തിയിട്ടില്ല.