ഹോട്ടൽ മുറിയിൽ ബിസിനസുകാരന്റെ നഗ്നമായ മൃതദേഹം കണ്ടെത്തി

ലഖ്‌നൗ: ഉത്തർപ്രദേശിലെ ലഖ്‌നൗവിൽ ഒരു ഹോട്ടൽ മുറിയിലെ കുളിമുറിയിൽ ഒരു ബിസിനസുകാരനെ മരിച്ച നിലയിൽ കണ്ടെത്തി. രാജസ്ഥാൻ സ്വദേശിയായ നിലേഷ് ഭണ്ഡാരിയെ (44) കഴിഞ്ഞ ദിവസം മരിച്ച നിലയിൽ കണ്ടെത്തി. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.

രണ്ട് ദിവസം മുമ്പ് കാംത പ്രദേശത്തെ ഹോട്ടലിൽ നീലേഷ് മുറിയെടുത്തിരുന്നു. ചെക്ക്-ഇൻ സമയത്ത് ബിസിനസുകാരനൊപ്പം ഒരു സ്ത്രീയും ഉണ്ടായിരുന്നുവെന്ന് അഡീഷണൽ ഡെപ്യൂട്ടി കമ്മീഷണർ പങ്കജ് കുമാർ സിംഗ് പറഞ്ഞു. ഇന്നലെ നിലേഷിന്റെ മൃതദേഹം കണ്ടെത്തിയെങ്കിലും ഒപ്പമുണ്ടായിരുന്ന സ്ത്രീയെ ഇപ്പോൾ കാണാനില്ല. അന്വേഷണ ഉദ്യോഗസ്ഥർ നിലവിൽ അവർക്കായി തിരച്ചിൽ നടത്തുകയാണ്.

നീലേഷ് വിവാഹിതനാണെന്നും അദ്ദേഹത്തിന്റെ കുടുംബം രാജസ്ഥാനിലെ ജലോർ ജില്ലയിലാണ് താമസിക്കുന്നതെന്നും പോലീസ് വെളിപ്പെടുത്തി. മരണവാർത്ത ഭാര്യയെയും മറ്റ് കുടുംബാംഗങ്ങളെയും അറിയിച്ചിട്ടുണ്ട്. അതിഥിയെ കണ്ടെത്തിയതിനെത്തുടർന്ന് പോലീസിനെ അറിയിച്ചത് ഹോട്ടൽ ജീവനക്കാരാണ്. ഇൻക്വസ്റ്റിനുശേഷം മൃതദേഹം പോസ്റ്റ്‌മോർട്ടം പരിശോധനയ്ക്ക് അയച്ചിട്ടുണ്ട്. പോസ്റ്റ്‌മോർട്ടം റിപ്പോർട്ട് ലഭിച്ചതിനുശേഷം മാത്രമേ മരണകാരണം വ്യക്തമാകൂ.

ഹോട്ടൽ മുറിയിലെ കുളിമുറിയിൽ വസ്ത്രങ്ങളില്ലാതെയാണ് മൃതദേഹം കണ്ടെത്തിയത്. ശരീരത്തിൽ ദൃശ്യമായ പരിക്കുകളൊന്നുമില്ല. കൂടെയുണ്ടായിരുന്ന സ്ത്രീയെ കണ്ടെത്താനുള്ള ശ്രമങ്ങൾ പുരോഗമിക്കുകയാണ്. നിലേഷിന്റെ ബന്ധുക്കൾ ലഖ്‌നൗവിൽ എത്തിയിട്ടുണ്ട്. പോസ്റ്റ്‌മോർട്ടത്തിന് ശേഷം മൃതദേഹം കുടുംബത്തിന് കൈമാറുമെന്ന് പോലീസ് അറിയിച്ചു.