ഉന്നത ഉദ്യോഗസ്ഥരെയും ബാധിക്കുന്ന വിഷാദം; വിദേശകാര്യ മന്ത്രാലയ ഉദ്യോഗസ്ഥൻ ചാടി ആത്മഹത്യ ചെയ്തു

ന്യൂഡൽഹി: ഇന്ത്യൻ വിദേശകാര്യ സർവീസ് (ഐഎഫ്എസ്) ഉദ്യോഗസ്ഥൻ കെട്ടിടത്തിന്റെ മുകളിൽ നിന്ന് ചാടി ആത്മഹത്യ ചെയ്തു. രാവിലെ 6 മണിയോടെ ഓഫീസർ ജിതേന്ദ്ര റാവത്ത് കെട്ടിടത്തിന്റെ നാലാം നിലയിൽ നിന്ന് ചാടി മരിച്ചു. ഡൽഹിയിലെ ചാണക്യപുരിയിലാണ് സംഭവം. ജിതേന്ദ്ര റാവത്ത് സംഭവസ്ഥലത്ത് തന്നെ മരിച്ചു. ഉദ്യോഗസ്ഥന്റെ മരണത്തെക്കുറിച്ച് കൂടുതൽ അന്വേഷണം നടന്നുവരികയാണ്.

വിദേശകാര്യ മന്ത്രാലയവും ജിതേന്ദ്ര റാവത്തിന്റെ മരണം സ്ഥിരീകരിച്ചു. ഉദ്യോഗസ്ഥന്റെ കുടുംബത്തിന് സാധ്യമായ എല്ലാ സഹായങ്ങളും നൽകുന്നുണ്ടെന്നും ഡൽഹി പോലീസുമായി ബന്ധപ്പെട്ടിട്ടുണ്ടെന്നും വിദേശകാര്യ മന്ത്രാലയം പ്രസ്താവനയിൽ പറഞ്ഞു.

ജിതേന്ദ്ര റാവത്ത് വിഷാദരോഗത്തിന് ചികിത്സയിലായിരുന്നുവെന്ന് റിപ്പോർട്ടുണ്ട്. അദ്ദേഹം അമ്മയോടൊപ്പം എംഇഎ റെസിഡൻഷ്യൽ കോംപ്ലക്സിൽ താമസിച്ചിരുന്നു. ഒന്നാം നിലയിൽ താമസിച്ചിരുന്ന ജിതേന്ദ്ര റാവത്ത് നാലാം നിലയിൽ നിന്ന് ചാടി ആത്മഹത്യ ചെയ്തു. ജിതേന്ദ്രയുടെ ഭാര്യയും കുട്ടികളും ഡെറാഡൂണിലാണ് താമസിക്കുന്നത്.