അസമിലെ സിആർപിഎഫ് ക്യാമ്പിൽ വെടിവയ്പ്; രണ്ട് ജവാന്മാർ കൊല്ലപ്പെട്ടു, ഒരാൾക്ക് പരിക്ക്, പിന്നാലെ ഉദ്യോഗസ്ഥൻ ആത്മഹത്യ ചെയ്തു

അസമിലെ നാഗാവ് ജില്ലയിലെ സിആർപിഎഫ് ക്യാമ്പിൽ നടന്ന വെടിവയ്പിൽ രണ്ട് സിആർപിഎഫ് ജവാന്മാർ കൊല്ലപ്പെടുകയും മറ്റൊരാൾക്ക് ഗുരുതരമായി പരിക്കേൽക്കുകയും ചെയ്തു. വെടിയുതിർത്ത ഉദ്യോഗസ്ഥൻ പിന്നീട് സ്വയം വെടിവെച്ച് ജീവനൊടുക്കിയതായി പൊലീസ് അറിയിച്ചു. 

ചൊവ്വാഴ്ച രാവിലെയായിരുന്നു സംഭവം. ക്യാമ്പിനുള്ളിൽ സഹപ്രവർത്തകർക്ക് നേരെ ഉദ്യോഗസ്ഥൻ അപ്രതീക്ഷിതമായി വെടിയുതിർക്കുകയായിരുന്നുവെന്നാണ് പ്രാഥമിക വിവരം. പരിക്കേറ്റ ജവാനെ ആശുപത്രിയിൽ പ്രവേശിപ്പിച്ചു. 

സംഭവത്തിന് പിന്നിലെ കാരണം ഇതുവരെ വ്യക്തമായിട്ടില്ല. പൊലീസ്, സിആർപിഎഫ് അധികൃതർ എന്നിവർ സ്ഥലത്തെത്തി അന്വേഷണം ആരംഭിച്ചിട്ടുണ്ട്.