ഷാർജയിലെ റസിഡൻഷ്യൽ കെട്ടിടത്തിൽ തീപിടുത്തത്തിൽ അഞ്ച് പേർ ശ്വാസം മുട്ടി മരിച്ചു. 44 പേർക്ക് പരിക്ക്

ഷാർജ: അൽ നഹ്ദ ഷാർജയിലെ ഉയർന്ന ടവർ കെട്ടിടത്തിൽ തീപിടിത്തത്തെ തുടർന്ന് പുക ശ്വസിച്ച് അഞ്ച് പേർ ദാരുണമായി മരിച്ചു. അപകടത്തിൽ 44 പേർക്ക് പരിക്കേറ്റു, 17 പേരുടെ നില ഗുരുതരമാണ്.

നിലവിൽ പരിക്കേറ്റവരെല്ലാം അത്യാഹിത വിഭാഗത്തിൽ ചികിത്സയിലാണ്. കൊല്ലപ്പെട്ടവരുടെ വിവരങ്ങൾ ഇതുവരെ വെളിപ്പെടുത്തിയിട്ടില്ല.
വ്യാഴാഴ്ച രാത്രി ഒമ്പതരയോടെയാണ് ജനവാസ കേന്ദ്രത്തിലാണ് തീപിടിത്തമുണ്ടായത്.

18 കുട്ടികളടക്കം കെട്ടിടത്തിലുണ്ടായിരുന്ന 156 പേരെ സുരക്ഷിത സ്ഥാനത്തേക്ക് മാറ്റിയതായാണ് റിപ്പോർട്ട്. 39 നിലകളുള്ള കെട്ടിടത്തിൽ 750 അപ്പാർട്ടുമെൻ്റുകളുണ്ട്.അധികൃതർ അഗാധമായ ദുഃഖം പ്രകടിപ്പിക്കുകയും ഇരകൾക്ക് അനുശോചനം രേഖപ്പെടുത്തുകയും ചെയ്തു.