ബാലതാരം എന്ന നിലയിൽ ലൈംഗികാതിക്രമം നേരിട്ടതിന് എങ്ങനെ തെളിവ് നൽകും

ചെന്നൈ: ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ മലയാള സിനിമയിലെ പ്രമുഖ താരങ്ങൾക്കെതിരെ ലൈംഗികാരോപണം. അതേസമയം, തമിഴ് ടെലിവിഷൻ മേഖലയിൽ വ്യാപകമായ ലൈംഗികാതിക്രമങ്ങൾ നടക്കുന്നുണ്ടെന്ന് തുറന്ന് പറഞ്ഞ് പ്രശസ്ത നടിയും സീരിയൽ നിർമ്മാതാവുമായ കുട്ടി പത്മിനി.

എൻഡിടിവിക്ക് നൽകിയ അഭിമുഖത്തിൽ ബാലതാരം എന്ന നിലയിലുള്ള തൻ്റെ അനുഭവത്തെ കുറിച്ചും അവർ തുറന്നു പറഞ്ഞു. ടെലിവിഷൻ രംഗത്തെ നിരവധി സ്ത്രീകൾ ലൈംഗികാതിക്രമം മൂലം ആത്മഹത്യ ചെയ്തിട്ടുണ്ടെന്ന് കുട്ടി പത്മിനി വെളിപ്പെടുത്തി.

'സംവിധായകരും സാങ്കേതിക വിദഗ്ധരും വനിതാ കലാകാരന്മാരിൽ നിന്ന് ലൈംഗിക ആനുകൂല്യങ്ങൾ ആവശ്യപ്പെടുന്നു. ലൈംഗികാതിക്രമം തെളിയിക്കാൻ കഴിയാത്തതിനാൽ പലരും പരാതിപ്പെടാറില്ല. എന്നിരുന്നാലും, അവർ നന്നായി സമ്പാദിക്കുന്നതിനാൽ മറ്റുള്ളവർ ഇത് സഹിക്കും. ഡോക്ടർമാരും അഭിഭാഷകരും ഐടി പ്രൊഫഷണലുകളും പോലെ അഭിനയവും ഒരു തൊഴിലാണ്. എന്തുകൊണ്ട് സിനിമാ മേഖലയിൽ മാത്രം മാംസക്കച്ചവടം നടത്തണം? അത് വളരെ തെറ്റാണ്.'

ലൈംഗികാരോപണം ഉന്നയിച്ചതിന് ഗായിക ചിന്മയിക്കും നടി ശ്രീ റെഡ്ഡിക്കും എതിരെ തമിഴ് സിനിമാലോകം ഏർപ്പെടുത്തിയ വിലക്ക് ചൂണ്ടിക്കാട്ടി കുട്ടി പത്മിനി. ഇരുവർക്കുമെതിരെയുള്ള വിലക്കിൽ അവർ ആശങ്ക പ്രകടിപ്പിച്ചു. ബാലതാരമെന്ന നിലയിൽ ലൈംഗികമായി ഉപദ്രവിച്ചതായി പദ്മിനി പറഞ്ഞു. അമ്മ വിഷയം ഉന്നയിച്ചപ്പോൾ ഒരു ഹിന്ദി സിനിമയിൽ നിന്ന് തന്നെ പുറത്താക്കിയെന്നും അവർ പറഞ്ഞു.

'തമിഴ് സിനിമാ മേഖലയിലെ ലൈംഗികാതിക്രമങ്ങളെക്കുറിച്ചുള്ള അന്വേഷണത്തിൽ പുരോഗതിയില്ല. എവിടെ തെളിവ് എന്ന് സുരേഷ് ഗോപി ചോദിച്ചതായി വായിച്ചു. ആർക്കെങ്കിലും എങ്ങനെ തെളിവ് നൽകാൻ കഴിയും? സി.ബി.ഐ ചെയ്യുന്നത് പോലെ അവർക്ക് നുണപരിശോധന നടത്താം.

അതേസമയം, തമിഴ് സിനിമാ മേഖലയിലെ ലൈംഗികാതിക്രമ പരാതികൾ പരിഹരിക്കാൻ ഹേമ കമ്മിറ്റിക്ക് സമാനമായ പാനൽ രൂപീകരിക്കുമെന്ന് തമിഴ് താരങ്ങളുടെ സംഘടനയായ നടികർ സംഘത്തിൻ്റെ ജനറൽ സെക്രട്ടറി നടൻ വിശാൽ പറഞ്ഞു. സ്ത്രീകളെ മോശമായി സമീപിക്കുന്ന പുരുഷന്മാരും തമിഴ് സിനിമയിലുണ്ടെന്നും വിശാൽ പറഞ്ഞു.

എന്നാൽ തമിഴ് സിനിമാ മേഖലയിൽ നിന്ന് ലൈംഗികാതിക്രമവുമായി ബന്ധപ്പെട്ട് പരാതികളൊന്നും ലഭിച്ചിട്ടില്ലെന്ന് തമിഴ്നാട് മന്ത്രി സ്വാമിനാഥൻ പറഞ്ഞു.