കെജ്രിവാൾ തിഹാർ ജയിലിലേക്ക്, ഏപ്രിൽ 15 വരെ ജുഡീഷ്യൽ കസ്റ്റഡിയിൽ
ന്യൂഡൽഹി: ഡൽഹി മദ്യനയക്കേസിൽ റൂസ് അവന്യൂ കോടതിയിൽ ഹാജരാക്കിയ ഡൽഹി മുഖ്യമന്ത്രി അരവിന്ദ് കെജ്‌രിവാളിന് തിരിച്ചടി. കെജ്‌രിവാളിനെ 15 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു. ഇയാളെ തിഹാർ ജയിലിലേക്ക് മാറ്റും. മോദി ഇപ്പോൾ ചെയ്യുന്നത് രാജ്യത്തിന് നല്ലതല്ലെന്ന് കെജ്രിവാൾ പ്രതികരിച്ചു.
കെജ്‌രിവാളിൻ്റെ കസ്റ്റഡി ഏഴ് ദിവസം കൂടി നീട്ടണമെന്ന് എൻഫോഴ്‌സ്‌മെൻ്റ് ഡയറക്ടറേറ്റ് (ഇഡി) കോടതിയോട് അഭ്യർത്ഥിച്ചു. നേരത്തെ മാർച്ച് 28ന് കെജ്‌രിവാളിനെ കസ്റ്റഡിയിൽ വേണമെന്ന ആവശ്യം കോടതി അംഗീകരിക്കുകയും കസ്റ്റഡി അഞ്ച് ദിവസത്തേക്ക് നീട്ടുകയും ചെയ്തിരുന്നു.
തന്നെ കുടുക്കാനും ആം ആദ്മി പാർട്ടിയെ തുരങ്കം വയ്ക്കാനുമാണ് ഇഡിയുടെ കേസ് ലക്ഷ്യമിടുന്നതെന്ന് അരവിന്ദ് കെജ്രിവാൾ കോടതി നടപടികളിൽ തറപ്പിച്ചു പറഞ്ഞു. എന്നാൽ കെജ്രിവാൾ അന്വേഷണവുമായി സഹകരിക്കുന്നില്ലെന്ന് ഇഡി കോടതിയെ അറിയിച്ചു. മാർച്ച് 27ന് ഡൽഹി ഹൈക്കോടതി ഇടക്കാല ജാമ്യത്തിനായുള്ള കെജ്‌രിവാളിൻ്റെ ഹർജി തള്ളി.
\
\