പോൺ ക്ലിപ്പ് കണ്ടതിന് ശേഷം കൗമാരക്കാരിയായ സഹോദരിയെ ബലാത്സംഗം ചെയ്ത യുവാവ് അറസ്റ്റിൽ

ഉത്തർപ്രദേശ്: ഉത്തർപ്രദേശിലെ കാസ്ഗഞ്ച് ജില്ലയിൽ 17 കാരിയായ സഹോദരിയെ ബലാത്സംഗം ചെയ്ത് കൊലപ്പെടുത്തിയ കേസിൽ 19 കാരൻ അറസ്റ്റിൽ. ഫെബ്രുവരി മൂന്നിന് രാത്രി സഞ്ജു മൊബൈൽ ഫോണിൽ അശ്ലീല വീഡിയോ കണ്ടതിനെ തുടർന്നാണ് സംഭവം.

കുറ്റകൃത്യം നടക്കുമ്പോൾ വീട്ടിൽ സഹോദരങ്ങൾ തനിച്ചായിരുന്നു; അവരുടെ അമ്മ ബന്ധുക്കളെ കാണാൻ പോയതായിരുന്നു. അശ്ലീല ക്ലിപ്പ് കണ്ടതിന് ശേഷം സഞ്ജു തൻ്റെ അരികിൽ ഉറങ്ങുകയായിരുന്ന സഹോദരിയെ ബലാത്സംഗം ചെയ്തതായി പോലീസ് പറഞ്ഞു. താൻ ചെയ്തത് എന്താണെന്ന് അവൾ വെളിപ്പെടുത്തുമോ എന്ന ഭയത്താൽ സഞ്ജു തൻ്റെ സഹോദരിയെ കഴുത്ത് ഞെരിച്ച് കൊലപ്പെടുത്തി സംഭവസ്ഥലത്ത് നിന്ന് ഓടിപ്പോയി.

പിറ്റേന്ന് ഫെബ്രുവരി നാലിന് ഇരയുടെ അമ്മാവൻ രാധേഷ്യാം സഞ്ജുവിനെതിരെ പരാതി നൽകി. തുടർന്ന് ഫെബ്രുവരി 5 ന് പോലീസ് പ്രതിയെ പിടികൂടി. ചോദ്യം ചെയ്യലിൽ സഞ്ജു കുറ്റം സമ്മതിച്ചു.

സഞ്ജുവിൽ നിന്ന് അശ്ലീല വീഡിയോകളുള്ള മൊബൈൽ ഫോൺ കണ്ടെടുത്തതായി കാസ്ഗഞ്ചിലെ പോലീസ് സൂപ്രണ്ട് സ്ഥിരീകരിച്ചു. തുടർന്ന് പ്രതിയെ ജുഡീഷ്യൽ കസ്റ്റഡിയിൽ വിട്ടു.