മകളെ തിരികെ കൊണ്ടുവരാൻ പണം ആവശ്യപ്പെട്ടതിന് അമ്മായിയമ്മക്കെതിരെ യുവാവ് പരാതി നൽകി

ആഗ്ര: ഭർത്താവുമായോ കുടുംബാംഗങ്ങളുമായോ പിണങ്ങി സ്വന്തം വീട്ടിലേക്ക് മടങ്ങുന്ന നിരവധി സ്ത്രീകളുണ്ട്. ഒന്നുകിൽ അവർ വിവാഹമോചനം ചെയ്യും അല്ലെങ്കിൽ വിട്ടുവീഴ്ച ചെയ്യും. അതിനിടെ, ഭാര്യയെ തന്നിലേക്ക് തിരികെ കൊണ്ടുവരാൻ അഞ്ച് ലക്ഷം രൂപ ആവശ്യപ്പെട്ടതിന് അമ്മായിയമ്മയ്‌ക്കെതിരെ യുവാവ് പോലീസിൽ പരാതി നൽകി.

കേസ് കോടതിയിലെത്തി. ആഗ്ര ഫാമിലി കോടതി പ്രശ്നം ഫാമിലി കൗൺസിലിംഗ് സെൻ്ററിലേക്ക് മാറ്റിയതോടെയാണ് സംഭവം പുറത്തറിയുന്നത്. ആഗ്രയിലെ ഇറാദത്ത് നഗർ സ്വദേശിയായ യുവാവും ഫിറോസാബാദിലെ രാംഗഢിൽ നിന്നുള്ള യുവതിയും 2022ൽ വിവാഹിതരായി.ഇരുവരും തമ്മിൽ അഭിപ്രായവ്യത്യാസമുണ്ടായി, താമസിയാതെ യുവതി വീട്ടിലേക്ക് മടങ്ങി.

യുവതിയെ തിരികെ കൊണ്ടുവരാൻ പോയ യുവാവിനോട് അമ്മായിയമ്മ 50,000 രൂപ ആവശ്യപ്പെട്ടു. അയാൾ സുഹൃത്തിൽ നിന്ന് പണം കടംവാങ്ങി, അന്ന് തന്നെ അവൾക്ക് തുക നൽകി. തുടർന്ന് ഭാര്യയോടൊപ്പം വീട്ടിലെത്തി.

എന്നാൽ പ്രശ്‌നങ്ങൾ വീണ്ടും ആരംഭിക്കുകയും യുവതി വീണ്ടും സ്വന്തം വീട്ടിലേക്ക് പോകുകയും ചെയ്തു. ഇത്തവണ അഞ്ചുലക്ഷം രൂപയാണ് യുവാവിനോട് അമ്മായിയമ്മ ആവശ്യപ്പെട്ടത്. മകൾ തിരിച്ചെത്തിയതു മുതൽ അഞ്ചുലക്ഷം രൂപ ചെലവഴിച്ചുവെന്നും ആ തുക നൽകിയാൽ മാത്രമേ മകളെ തനിക്കൊപ്പം പോകാൻ അനുവദിക്കൂവെന്നും അമ്മായിയമ്മ നിർബന്ധിച്ചു.

ഇതോടെ യുവാവ് പോലീസിൽ പരാതി നൽകി. വേണം എന്ന കുടുംബ കോടതിയിലെ നിലപാടിൽ അമ്മായിയമ്മ ഉറച്ചു നിന്നു
മകളുടെ തിരിച്ചുവരവിന് 5 ലക്ഷം രൂപ നൽകണം. എന്നാൽ കൗൺസിലിങ്ങിനിടെ ഭാര്യക്ക് അയൽവാസിയുമായി വിവാഹേതര ബന്ധമുണ്ടെന്നും ഇതാണ് പ്രശ്‌നങ്ങൾക്ക് പിന്നിലെന്നും യുവാവ് ആരോപിച്ചു.