കല്യാണമണ്ഡപത്തിൽ നിന്ന് മകളെ തട്ടിക്കൊണ്ടുപോകാൻ ശ്രമിച്ചവർക്ക് നേരെ മുളകുപൊടി എറിഞ്ഞു അമ്മ

അമരാവതി: വിവാഹ മണ്ഡപത്തിൽ നിന്ന് വധുവിനെ തട്ടിക്കൊണ്ടുപോകാൻ വധുവിൻ്റെ ബന്ധുക്കൾ ശ്രമിച്ചത് നാടകീയ സംഭവങ്ങൾ. ആന്ധ്രാപ്രദേശിലെ ഈസ്റ്റ് ഗോദാവരി ജില്ലയിലാണ് സംഭവം. വിവാഹ മണ്ഡപത്തിൽ നിന്ന് സ്നേഹ എന്ന വധുവിനെ ബന്ധുക്കൾ ബലം പ്രയോഗിച്ച് വലിച്ചിഴയ്ക്കുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. കാഡിയം മേഖലയിലെ ഓഡിറ്റോറിയത്തിൽ ബത്തിന വെങ്കടാനന്ദു എന്ന യുവാവുമായി സ്‌നേഹയുടെ വിവാഹം നടക്കാനിരിക്കെയാണ് സംഭവം.

ഓഡിറ്റോറിയത്തിലുണ്ടായിരുന്ന ഒരാളാണ് വീഡിയോ പകർത്തിയത്. അമ്മയുടെ സഹോദരനും മറ്റ് ബന്ധുക്കളും ചേർന്ന് സ്നേഹയെ ബലം പ്രയോഗിച്ച് പുറത്തേക്ക് വലിച്ചെറിയുന്നതാണ് വീഡിയോയിലുള്ളത്. സ്‌നേഹയെ കൊണ്ടുപോകുന്നത് തടയാൻ ചിലർ ശ്രമിച്ചെങ്കിലും സ്‌നേഹയുടെ അമ്മ കണ്ണിൽ മുളകുപൊടി എറിഞ്ഞു.

പിന്നീട് വരനും സുഹൃത്തുക്കളും ചേർന്ന് തട്ടിക്കൊണ്ടുപോകൽ ശ്രമം പരാജയപ്പെടുത്തി. ഇതിനിടെ വെങ്കടാനന്ദുവിൻ്റെ ഒരു സുഹൃത്തിന് ഗുരുതരമായി പരിക്കേറ്റു.

സ്‌നേഹയുടെ കുടുംബാംഗങ്ങൾക്കെതിരെ ആക്രമണശ്രമം, സ്വർണം തട്ടിയെടുക്കൽ തുടങ്ങിയ വിവിധ ക്രിമിനൽ വകുപ്പുകൾ പ്രകാരം പോലീസ് കേസെടുത്തിട്ടുണ്ട്. വധുവിനെ തട്ടിക്കൊണ്ടുപോകാൻ വീട്ടുകാർ ശ്രമിച്ചതിന് പിന്നിലെ കാരണം ഇപ്പോഴും വ്യക്തമല്ല.

വെങ്കിടാനന്ദിൻ്റെ വീട്ടുകാർ നൽകിയ പരാതിയിൽ വധുവിൻ്റെ വീട്ടുകാർക്കെതിരെ കേസെടുത്തതായി കഡിയം സർക്കിൾ ഇൻസ്പെക്ടർ ബി തുളസീധർ പറഞ്ഞു. സംഭവത്തിൽ വിശദമായ അന്വേഷണം നടക്കുകയാണെന്ന് പോലീസ് പറഞ്ഞു.