യാത്രക്കാരിയുടെ മാല മോഷ്ടിച്ചതിന് പഞ്ചായത്ത് പ്രസിഡന്റ് അറസ്റ്റിൽ

ചെന്നൈ: ബസിൽ വെച്ച് സഹയാത്രികന്റെ സ്വർണ്ണ മാല മോഷ്ടിച്ചതിന് പഞ്ചായത്ത് പ്രസിഡന്റ് അറസ്റ്റിൽ. ചെന്നൈയിലെ കോയമ്പേഡിലാണ് സംഭവം. തിരുപ്പത്തൂരിലെ നരിയമ്പട്ടു പഞ്ചായത്ത് പ്രസിഡന്റും ഡിഎംകെ വനിതാ വിഭാഗം നേതാവുമായ ഭാരതി (56) അറസ്റ്റിലായി.

കാഞ്ചീപുരത്ത് ഒരു വിവാഹ സൽക്കാരത്തിൽ പങ്കെടുത്ത് ബസിൽ വീട്ടിലേക്ക് മടങ്ങുന്നതിനിടെ നെൽകുന്ദ്രം സ്വദേശിനിയായ വരലക്ഷ്മിയുടെ നാല് പവൻ തൂക്കം വരുന്ന സ്വർണ്ണ മാല കാണാതായി. നെൽകുന്ദ്രത്തിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് ഭാരതി മാല മോഷ്ടിച്ചതെന്ന് പോലീസ് കണ്ടെത്തി.

കോയമ്പേട് ബസ് സ്റ്റാൻഡിൽ ഇറങ്ങിയ വരലക്ഷ്മി തന്റെ ബാഗ് പരിശോധിച്ചപ്പോഴാണ് തന്റെ കൈവശമുണ്ടായിരുന്ന ചെയിൻ നഷ്ടപ്പെട്ടതായി മനസ്സിലാക്കിയത്. തുടർന്ന് അവർ കോയമ്പേട് പോലീസിൽ പരാതി നൽകി. പോലീസ് സിസിടിവി ദൃശ്യങ്ങൾ പരിശോധിച്ചപ്പോൾ ഒരു സ്ത്രീ തന്റെ ബാഗിൽ നിന്ന് ചെയിൻ മോഷ്ടിക്കുന്നത് കണ്ടെത്തി.