സോനം വാങ്ചുക്കിന്റെ ആരോഗ്യനില മോശം; 17 ദിവസത്തെ നിരാഹാര സമരത്തിനിടെ കേന്ദ്രത്തിന്റെ മൗനത്തിനെതിരെ ചോദ്യങ്ങൾ

വിദ്യാഭ്യാസ പരിഷ്കാരവും പരീക്ഷാ ക്രമക്കേടുകൾക്കെതിരായ നടപടിയും ആവശ്യപ്പെട്ട് ഡൽഹിയിലെ ജന്തർ മന്തറിൽ നിരാഹാര സമരം നടത്തുന്ന വിദ്യാഭ്യാസ പ്രവർത്തകനും പരിസ്ഥിതി പ്രവർത്തകനുമായ സോനം വാങ്ചുക്കിന്റെ ആരോഗ്യനില കൂടുതൽ വഷളായതായി റിപ്പോർട്ടുകൾ. സമരം 17-ാം ദിവസത്തിലേക്ക് കടന്നതോടെ അദ്ദേഹത്തിന്റെ ആരോഗ്യസ്ഥിതിയെക്കുറിച്ചുള്ള ആശങ്കകൾ ശക്തമായിരിക്കുകയാണ്. 

സമരത്തിനിടെ വാങ്ചുക്കിന് എട്ടുകിലോഗ്രാമിലധികം ഭാരം കുറഞ്ഞതായും രക്തത്തിലെ പഞ്ചസാരയുടെ അളവ് അപകടകരമായ നിലയിലേക്ക് താഴ്ന്നതായും അദ്ദേഹത്തെ പിന്തുണയ്ക്കുന്നവർ അറിയിച്ചു. അതേസമയം, വിഷയത്തിൽ കേന്ദ്ര സർക്കാർ പ്രതികരിക്കാത്തത് പ്രതിഷേധങ്ങൾക്കും വിമർശനങ്ങൾക്കും ഇടയാക്കിയിട്ടുണ്ട്. 

ഇതിനിടെ തൃണമൂൽ കോൺഗ്രസ് എംപി മഹുവ മൊയ്ത്ര, നടൻ ഒമി വൈദ്യ ഉൾപ്പെടെ നിരവധി പ്രമുഖർ വാങ്ചുക്കിന്റെ ആരോഗ്യസ്ഥിതിയിൽ ആശങ്ക രേഖപ്പെടുത്തി. സമരം അവസാനിപ്പിച്ച് ആരോഗ്യം സംരക്ഷിക്കണമെന്ന് അവർ അഭ്യർഥിച്ചെങ്കിലും, ആവശ്യങ്ങളിൽ ഉറച്ച് മുന്നോട്ടുപോകാനാണ് വാങ്ചുക്കിന്റെ തീരുമാനം.