ജീവനക്കാരൻ മരിച്ച EY ഇന്ത്യ ഓഫീസിന് ലേബർ വെൽഫെയർ പെർമിറ്റ് ഇല്ലായിരുന്നു

പൂനെ: അമിത ജോലിയെ തുടർന്ന് യുവ ജീവനക്കാരൻ മരിച്ച പൂനെയിലെ ഏണസ്റ്റ് ആൻഡ് യങ് ഓഫീസ് 2007 മുതൽ പ്രവർത്തിക്കുന്നത് സംസ്ഥാന അനുമതിയില്ലാതെയാണ്.

ഇ വൈ ജീവനക്കാരി അന്ന സെബാസ്റ്റ്യൻ പേരയിലിൻ്റെ മരണത്തെ തുടർന്ന് തിങ്കളാഴ്ച ലേബർ കമ്മീഷണറേറ്റ് യെർവാഡയിലെ കമ്പനി ഓഫീസിൽ പരിശോധന നടത്തി. പരിശോധനയിൽ ഷോപ്പ് ആക്ടുമായി ബന്ധപ്പെട്ട് ചില സുപ്രധാന പിഴവുകൾ കണ്ടെത്തി.

2007 മുതൽ പ്രവർത്തിക്കുന്ന കമ്പനിക്ക് ഷോപ്പ് ആക്‌ട് ലൈസൻസ് ഇല്ലെങ്കിലും ഈ വർഷം ഫെബ്രുവരിയിൽ ഓൺലൈനായി അപേക്ഷിച്ചതായി വൃത്തങ്ങൾ പറയുന്നു.

മഹാരാഷ്ട്ര ഷോപ്‌സ് ആൻ്റ് എസ്റ്റാബ്ലിഷ്‌മെൻ്റ് ആക്ടിന് കീഴിലുള്ള ഒരു നിയമപരമായ ആവശ്യകതയാണ് ഷോപ്പ് ആക്റ്റ് ലൈസൻസ്, അത് ജീവനക്കാരുടെ അവകാശങ്ങൾ തൊഴിൽ സമയ വേതനവും സുരക്ഷയും ഉൾപ്പെടെയുള്ള തൊഴിൽ സാഹചര്യങ്ങളെ നിയന്ത്രിക്കുന്നു. നിയമപരമായി പ്രവർത്തിക്കാൻ പൂനെ മുനിസിപ്പൽ കോർപ്പറേഷനിൽ നിന്ന് (പിഎംസി) ലൈസൻസ് നേടിയിരിക്കണം.

തൊഴിലാളികളെ ചൂഷണം ചെയ്യുന്നതുമായി ബന്ധപ്പെട്ട കാര്യങ്ങൾ തൊഴിൽ വകുപ്പ് പരിഗണിക്കുന്നുണ്ട്. എട്ട് മണിക്കൂറിൽ കൂടുതൽ ജോലി ചെയ്യേണ്ടി വന്നാൽ ബന്ധപ്പെട്ട കമ്പനിയുടെ മാനേജരുടെ അനുമതി ആവശ്യമാണ്.

ഇതുകൂടാതെ ലാപ്‌ടോപ്പുകൾക്കായി ഒരു സെൻട്രൽ ലോഗ്ഔട്ട് സിസ്റ്റം ഉണ്ടായിരിക്കണം. ഈ സംവിധാനം അനുസരിച്ച് എട്ട് മണിക്കൂറിന് ശേഷം ജീവനക്കാരുടെ ലാപ്‌ടോപ്പ് സ്വയമേവ ലോഗ് ഔട്ട് ആകും.

അന്ന സെബാസ്റ്റ്യൻ പേരയിൽ 26 ഈ വർഷം മാർച്ച് 18 ന് EY ഇന്ത്യയുടെ പൂനെ ഓഫീസിൽ ഓഡിറ്റ് എക്സിക്യൂട്ടീവായി ജോലിയിൽ പ്രവേശിച്ചു, ജൂലൈ 19 വരെ ജോലി ചെയ്തു. ജൂലൈ 21 ന് അന്ന ഹൃദയാഘാതത്തെ തുടർന്ന് മരിച്ചു.

ജോലിഭാരവും ജോലിസമയവും മകളെ ബാധിച്ചുവെന്ന് ആരോപിച്ച് അമ്മ ഇവൈ ഇന്ത്യ ചെയർമാൻ രാജീവ് മേമനിക്ക് കത്തയച്ചു. എന്നാൽ കമ്പനി ആരോപണങ്ങൾ നിഷേധിച്ചു.