റെയിൽവേ ട്രാക്കിൽ വീണ ഇയർഫോണുകൾ എടുക്കാൻ ശ്രമിക്കുന്നതിനിടെ ട്രെയിൻ ഇടിച്ചു

ചെന്നൈ: റെയിൽവേ ട്രാക്കിൽ വീണ ഇയർഫോണുകൾ എടുക്കാൻ ശ്രമിക്കുന്നതിനിടെ ട്രെയിൻ ഇടിച്ച് ഒരു വിദ്യാർത്ഥി മരിച്ചു. തമിഴ്നാട്ടിലെ കോടമ്പാക്കം റെയിൽവേ സ്റ്റേഷനിലാണ് സംഭവം. വില്ലുപുരം സ്വദേശിയായ രാജഗോപാൽ (18) ആണ് മരിച്ചതെന്ന് തിരിച്ചറിഞ്ഞിട്ടുണ്ട്.

നടക്കുന്നതിനിടെ രാജഗോപാലിന്റെ ഇയർഫോണുകൾ അബദ്ധത്തിൽ ട്രാക്കിൽ വീണു. അത് എടുക്കാൻ ശ്രമിക്കുന്നതിനിടെയാണ് അപകടം സംഭവിച്ചത്. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോർട്ടത്തിന് ശേഷം കുടുംബത്തിന് കൈമാറും. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.