വരൻ്റെ എതിർപ്പിനെത്തുടർന്ന് യുവതി തൻ്റെ സഹോദരനെ വിവാഹം കഴിക്കുന്നു

ലഖ്‌നൗ: അസാധാരണമായ സംഭവവികാസങ്ങളിൽ വരൻ്റെ എതിർപ്പിനെത്തുടർന്ന് ഉത്തർപ്രദേശിൽ നിന്നുള്ള യുവതി തൻ്റെ സഹോദരനെ വിവാഹം കഴിച്ചു. ലഖിംപൂർ സ്വദേശിനിയായ പ്രീതി യാദവ് മുഖ്യമന്ത്രിയുടെ കൂട്ടവിവാഹ പദ്ധതിയിലൂടെ സാമ്പത്തിക ആനുകൂല്യങ്ങൾ ലഭിക്കുന്നതിനായി സഹോദരനെ വിവാഹം കഴിച്ചു.

വിവാഹ പദ്ധതിയിലൂടെ വിവാഹം കഴിക്കുന്നവർക്ക് 51,000 രൂപ ആനുകൂല്യം ലഭിക്കും. ഇതിൽ 35,000 രൂപ വധുവിൻ്റെ അക്കൗണ്ടിലേക്ക് 10,000 രൂപ സമ്മാനങ്ങൾ വാങ്ങാനും 6000 രൂപ ചടങ്ങ് ചെലവുകൾക്കും നൽകും.

രമേഷ് യാദവ് എന്ന വ്യക്തിയുമായി യുവതിയുടെ വിവാഹം നിശ്ചയിച്ചിരുന്നു. എന്നാൽ, രമേഷ് വിവാഹം ഒഴിവാക്കുകയും പണം നഷ്ടപ്പെടാതിരിക്കാൻ പ്രീതി സഹോദരനെ വിവാഹം കഴിക്കുകയും ചെയ്തു. ഈ വഞ്ചനയുടെ വിവരം പുറത്തായതോടെ സഹോദരങ്ങൾക്കെതിരെ പോലീസ് കേസെടുത്ത് അന്വേഷണം ആരംഭിച്ചു.

പദ്ധതിയിൽ പണം സമ്പാദിക്കാൻ സമാനമായ സംഭവങ്ങൾ മുൻപും നടന്നിട്ടുണ്ട്. ഇത്തരം സംഭവങ്ങൾ ആവർത്തിക്കാതിരിക്കാൻ നടപടി സ്വീകരിക്കുമെന്ന് സാമൂഹികക്ഷേമ മന്ത്രി അസിം അരുൺ പറഞ്ഞു.