മലയാളി പ്രവാസിയെ തട്ടിക്കൊണ്ടുപോയി കൊലപ്പെടുത്തി ദുബായിൽ മൃതദേഹം മറവ് ചെയ്തു

തിരുവനന്തപുരം: ദുബായിൽ മലയാളി പ്രവാസിയെ തട്ടിക്കൊണ്ടുപോയി കൊലപ്പെടുത്തിയ പാക്കിസ്ഥാനികൾക്കെതിരെ ദുബായ് പോലീസ് കേസെടുത്തു. തിരുവനന്തപുരം പേരൂർക്കട സ്വദേശി അനിൽ വിൻസെന്റാണ് മരിച്ചത്.

ഒരു ട്രേഡിംഗ് കമ്പനിയുടെ പിആർഒ ആയിരുന്ന അനിൽ ജനുവരി മൂന്നിന് കാണാതായിരുന്നു. അനിലിന്റെ സഹോദരൻ പ്രകാശും ഇതേ കമ്പനിയിൽ ജോലി ചെയ്യുന്നു. പ്രകാശ് പറയുന്നതനുസരിച്ച് ജനുവരി 3 ന് അനിൽ തന്റെ പാകിസ്ഥാനി സഹപ്രവർത്തകനോടൊപ്പം സ്റ്റോക്ക് പരിശോധിക്കാൻ പോയിരുന്നു.

അനിൽ തിരിച്ചെത്താത്തതിനെ തുടർന്ന് പ്രകാശ് പോലീസിൽ പരാതി നൽകി. ജോലി സംബന്ധമായ വൈരാഗ്യമാണ് അനിലിന്റെ കൊലപാതകത്തിലേക്ക് നയിച്ചതെന്നാണ് സൂചന. 2 പേരെ പൊലീസ് അറസ്റ്റ് ചെയ്തിട്ടുണ്ട്. മൃതദേഹം സംസ്‌കരിക്കാൻ കൊണ്ടുപോയ വാഹനത്തിന്റെ ഡ്രൈവറും പാകിസ്ഥാൻ സ്വദേശിയാണ്. ഇയാൾ പാകിസ്ഥാനിലേക്ക് പലായനം ചെയ്തിട്ടുണ്ട്.